Psa 4 | YON | STEP | Yook ambo bi ye karub yeman. Nongbed wangki yemaniib. Dewid ye yook. O ne nen koromone dorondandi ye God, eb yaa baandaka inanduwe. Ne dabab aom wanaan kuu ebbed awawi kawewen. Kowe, ne yaa mimyob keeweneb ne kurikuri wengambere.

Psalms 4

Yook 4

Yook ambo bi ye karub yeman. Nongbed wangki yemaniib. Dewid ye yook.

1 O ne nen koromone dorondandi ye God,
eb yaa baandaka inanduwe.
Ne dabab aom wanaan kuu ebbed awawi kawewen.
Kowe, ne yaa mimyob keeweneb ne kurikuri wengambere.
2 O karuwa nimaya, yiib kuu aron komoyiibbed naningko nambiriyiib yaa damangkawembaraniib?
Yiib kuu aron komoyiibbed idiibban yeman yaa dowakeniib kerenib iranmi yeman yaa onmembaraniib?Selah
3 Kumban kaadkerime!Yariman kuu ye kiwaan arimo doriibdan kuu ben yeka ye dowad angkara nongkoboon.
Kowe, nembedYariman yaa baandaniin kuu wengamberewaneen.
4 Uniyiib kiringmime, ambarakmaib.
Yiib angkimbon ari angkibka,
yiib mimyob aom andangke darobe iwari kerime.Selah
5 Yorokmo ye munob koni yeman konime,
Yariman yaamo angkumone dobirime.
6 Nimakarub yemoonbed yedmimaib, “Kanembed nub yaa amun kerundaneen? Dowan!” andimaib.
OYariman, eb murubia ye nambiri kuu nub yaa nambere yurok.
7 Ne niindem aom kuu ebbed kubi darewoob onduknewewen.
Kuu yimbed animan id yemoon ire wanabe wain ok yemoon ongmenib kubimaib kuu burudande arimbed kawewen.
8 Ne yiri angkimain kuu yewenubmo unuk angkimain,
amborom kuu oYariman,
ebbedmo ne nen kangkurudmo kebene oonewimaab.